انت العين واكرب من جفنها انت... انت الوالد اليحضن بديه وليده وبنته...من توحيد انت العراق بشيعته وسنته... ياهو الكالك ناسيك هم ينسى الكمر وكته...لو نبض الكلب يتنكر بدكته ...بس عشكك عشك مفضوح وعشك الناس كلها مساتر وسكتة ...صرت انت سبت وبركبة يهودي هم سامع يهودي يجوز من سبته... انت الفارس اليسبق هبوب الريح...وما ضن خيل سابكته... وانت اليرهم ترابك كحل للعين ودوة للما شفت علته ...وانت من ترابك نحني جفوف المعرسين ...وكل صبع فرح من طينتك طكته ...وانت الريحة ترابك ترد الروح... هيل وزعفران وعنبر بشمته...مثل ترابك ما لكينا تراب يرهم للصلى من طينته تربته من طينته تربته ...جيف لانك حلو والناس منك تغار ما عدهم العندك من مجد نلته ...انت اول وطن وضع ادم جدمه وكال يا الله ... لانك قطعة من جنته انت اول وطن حبه النبي ابراهيم ....ونبي ايوب ناخت بيك راحلته ...انت اول وطن علم الناس تكتب ابجدية ويكتب التاريخ ...وانت اول وطن قانون سننته..وانت اول وطن كالتله الشمس يمة صباح الخير...ولو رادت تمسي تمسي يم كبته...انت اول وطن ما تشبه الاوطان...سبحان ربي شلون صورته... صورته العراق وبس علينة يلوك ...واحنة نلوكله لمن يحن وكته
![][][§¤°^°¤§][ منتديات الزوبعي ][§¤°^°¤§][][](https://2img.net/s/t/18/22/99/i_logo.jpg){kind=logo}
الأحد ديسمبر 02, 2007 2:16 pm